食飯喇

節錄自最近一個個案:::

? 其實我成日都好怕食飯
? 好怕食飯? 係咩意思?
? 我屋企食飯唔准開電視, 然後大家又唔知講咩好, 嗰個氣氛令人好窒息, 搞到其實個個都冇乜胃口, 好多時我都係格梗食。細個開始阿爸 / 阿媽成日襯大家坐齊哂喺度就講道理 / 訓話,又或者宜家有咩要講就要襯食飯先講到。
? 所以你怕既係?
? 有時講講下傾唔埋變左鬧交,一係食食下飯無啦啦有人喊,一係是但一個拍哂枱 / 起身走,有一次阿爸直情拎起張櫈想車落細佬度……

。。。。。。

你屋企食飯嗰陣係點架?
1. 唔准開電視 唔准講嘢 一粒聲都冇?
2. 家庭會議 / 訓話時間, 有時鬧到飯都哽唔落?
3. 電視自己播 冇人會出聲?

漸漸地, 大家會點呢?
1. 用最快速度 拿拿聲食完撤退?
2. 越大越怕一齊食飯 用萬樣藉口減少一齊食飯?
3. 食埋先番屋企 甚至買外賣番入房 都唔願坐埋一齊食?

所以我想問
1. 去餐廳食飯係咪會叫佢熄電視?
2. 去飲宴/聚會 大家都唔應該講野?
3. 食住飯做Appraisal效果會好啲?

。。。。。。

食 屬於人的需求層次中最基礎的一層
除咗物質上提供營養和能量
亦可帶動大腦製造安多酚提供快樂和幸福感

如果連餐飯都唔能夠好好地食
人既內心最根源支柱就會有個缺口
生理上 影響消化系統 疼痛 發炎 潰瘍 甚至癌症
心理上 對食飯有負面烙印 每次食飯身體都自動釋放負能量
你諗下幾嚴重!?!?

。。。。。。

今日開始 培養食飯的好心情
爸爸媽媽 請停止在食飯時動真火教訓子女
阿仔阿女 食飯時不要戰戰兢兢地提出要求
上班一族 食飯就俾自己放空地食飯

適當的時候做適當的事
愛自己

人大了 家人 朋友
更珍惜坐埋一齊食飯既時候
東南西北 想講乜就講乜
嘻嘻哈哈 唔使急慢慢食
食完都可以 繼續坐 繼續傾

乜開唔開電視 仲真係咁重要咩?

。。。。。。

?活像薔薇 La Vie en Rose