咁今日呢係食早餐期間我傾到【責任】呢個題目
點解責任呢個題目咁緊要呢
我時不時呢都喺唔同嘅課堂裏面都會有提到
而其實責任係個人狀態管理之中嘅第一課 第一個題目
即係話如果我哋想manage好 我哋自己嘅狀態
其實係需要管理好 我哋負責任嘅部分
而究竟咩係責任呢
好多時候一聽到責任呢
我哋會覺得我係啲好沉重
一啲好大鑊嘅嘢黎
責任的定義
責任嘅英文叫做responsibility
係由response同埋Ability所組成
顧名思義呢就係回應嘅能力
呢一個回應嘅能力
其實分為四個部分
咁有分為內在嘅能力 亦都有外在嘅能力
責任的4個能力
先講內在先
內在嘅能力 包括就係有我哋嘅思想Thinking
同埋我哋嘅感受Feeling
而外咗嘅能力呢就包括有
我哋嘅Speaking講嘢
亦都有我哋嘅behaving行為
乜嘢叫負責任呢
就係可以好好咁掌管好啦 控制好
我哋啲四個Power
你試下諗下
其實冇人呢可以入到我哋嘅腦裏面
影響我哋嘅思想
冇人能夠入到我哋身體裏面
影響我哋嗰下嘅感受
亦都冇人可以控製到你個嘴
去講啲咩說話
冇人可以控製到你啲手手腳腳
去做啲咩行為
咁所以其實呢四個Power
係我哋每一個人都獨有
亦都係一個我哋全權擁有
同埋負責嘅能力
關於「負責任」的事例分享
咁講返今日啦 我朋友就同我講
佢最近覺得自己做嘢呢好似冇乜力
同時有一個行為亦做得多咗喎
就係.. 煲劇
咁我就問佢啦
每一次 其實係發生緊啲咩事之下
你會走去煲劇
又或者你煲劇嘅時候其實諗緊啲咩
佢諗咗一陣 佢就答我
佢話其實每一次煲劇嘅時候
都係有啲嘢佢唔想諗啦
佢有啲想逃避啦 唔係好想面對
有啲擔心
所以佢就會走咗去煲劇
嘗試唔理
而當幫佢一煲劇嘅期間呢
其實呢佢都會越嚟越覺得
有啲唔舒服 有啲不安
咁然後我就問 咁其實
咩事令到你咁不安呢
佢就話
最近大家喺呢個經濟環境底下都比較負面
佢身邊個朋友呢都好多負能量
甚至有試過同朋友傾計嘅時候
個朋友喺佢面前喊
「不負責任」的內在對話
咁當其他人同佢講
死喇! 搞唔掂喇! 大鑊喇!
佢都同自己講
死喇! 係呀 搞唔掂呀! 大鑊喇!
而影響到佢平時自己工作裏面
都有受到呢啲事情影響到喎
佢一路做嘢嘅時候都同自己講
喂! 唔掂呀! 搞唔掂呀! 唔做嘅呢 會死㗎!
咁明明 去見一個客人係一件positive嘅事
但係佢裏面就諗住咗好多負面嘅情緒
負面嘅思想
反思責任可改變狀態
我就再問佢 你宜家睇到呢件事情
你有呢個反思之下 你諗到啲乜嘢
佢即刻同自己講
其實每一次可以見到一個客人
或者每一次可以見到一位朋友呢
都係一個機會黎嘅
我可以繼續努力堅持佢做好自己
總會又好嘅return
我可以keep住自己有個好嘅狀態
先至可以令到自己嘅競爭力 可以保留得到
當咁樣講嘅時候
當下佢即刻喺度笑返
成個狀態亦都唔同哂
當我同佢食完早餐離開嘅時候呢
佢直情係跳跳紮咁樣走
小結
喺呢度同大家講
能力係可以通過學習同埋練習去提升
希望喺呢個短短嘅video裏面
可以幫你去reflect一下最近嘅生活
希望可以幫到你啦
🌹 Be Stunning
Web: https://stunningspa.com
FB: https://www.facebook.com/stunningspa
IG: https://www.instagram.com/stunningpro
YT: https://www.youtube.com/channel/UCuLxGxGCC-MWXhnOclaJr2g

你是你的超級英雄 Your are your Superhero
你擁有你的超能力 You own your Super Powers
每人都有4個無人可取的超能力
無論發生什麼事情
你也有獨立能力去思考、感受、說話和行動
學懂掌控這4大能力才是為自己負責任
覺得憤怒 感到無助 惡言相向 ……
情緒升溫 行動升級 惡性循環 沒完沒了
無人能為別人負責任
你不能代替對方思考、感受、說話和行動
而你可以掌控自己這4大能力
從而影響對方的思考、感受、說話和行動
這是Responsible FOR和Responsible TO的分別
將不是控制範圍內的事加諸於自己身上
無力感會無限地放大
你永遠可以選擇如何去回應世界
沒有人能迫害你 除非你迫害自己
加油
[The Meta-stating Responsibility, ISNS]
。。。。。。
🌹 Be Stunning
Leave A Comment