苦中作樂 – 正面唔係保證可以解決問題 而係保證你逆境時可以安好

苦中作樂的生活智慧
玉皇大帝與眾神仙在天庭聚集開例會
問:好耐冇見千手觀音, 有冇佢消息?
答:佢未洗完手呀
問:四面佛喺邊?
答:佢唔夠口罩呀
問:二郎神去咗邊?
答:佢搵唔到第三隻眼嘅保護鏡呀
玉帝甚為不悅, 問:仲有邊個未到?
答:關公面紅疑似發燒, 自我隔離中
唐三藏取西經後未能入境
問:閻羅王嗰邊情況點?
答:佢仍然未封關, 要開OT
問:點解何仙姑, 鐵拐李嗰幾條友都冇蒲頭呢?
答:八仙多過4個人聚集俾人拉咗啦
??????
[轉載自網路, 傲薔後期修改]
。。。。。。
感恩 帶給人能量
你哋覺得我好似成日都好好心情
其實人又點可能冇煩惱?!?!
一向好小心的我
不嬲都唔會將信用卡資料儲存在電腦
我唔會覺得搵張卡出黎好麻煩
因為我可以背哂啲號碼###
(係咪好變態? 笑?)
星期六因為要捐款俾一個慈善機購
所以用了PayPal..誰不知
今朝早上叫醒我的並不是夢想
而係原來昨晚PayPal被盜用
今朝一睇電話收到歐羅的payment receipt
個hacker仲將我個PayPal帳戶shut down埋
嚇到我整個彈起?
拿拿林開電腦搵PayPal Contact
點知因為疫情影響咗上班情況
Hotline冇人聽 Email冇人覆
於是我唯有打去銀行cut咗張卡先
天灰灰 心也灰灰
好在有Ivan俾我訴一訴
仲有阿石幫我手搵聯絡[感激感激 Ivan So & 阿石 ]
** 順帶一提, 如果要學
Wordpress, SEO, digital marketing
請找呢兩位大師? **
然後突然在whatsapp中
收到呢幅圖個故事
喀一聲笑咗出黎 [苦中作樂]
終於搵到對口 開咗個Case
追唔追得到 未知道
感恩在逆境中
我仲有能力捐款助人
同時也有可以支援自己的人
btw, *感恩*是正向心理學
24個個人強項中非常重要的一環
。。。。。。
學生成日問我正面有乜用
都唔會解決到件事
等等
正面唔係保證可以解決問題
而係保證你逆境時可以安好
Leave A Comment