自言自語

一對一的關係 2 - 無人能替代另一個人 中間人永遠也只是中間人 一對一的關係 2 ……無人能替代另一個人 中間人永遠也只是中間人 真人真事：星級代言人 。。。 C係識咗N年的職場朋友 佢認為自己嘅工作能力甚高 多年嚟除咗處理原本工作崗位事務 仲經常替代其老闆 和各方人員「修補」關係 為老闆嘅說話「解畫」 訴說老闆嘅心理狀況 望對方諒解&繼續維繫 通常都能成功「挽救」 。。。 Behind the scenes 佢其實會同我傾訴因為老闆的任性 令佢承受咗唔少唔係佢專業要做嘅事 我嘗試過無數次引導佢去睇個真相 「無人能替代另一個人」 不過佢每次都會即刻自圓其說 然後再全身投入呢個loop 無限輪迴 You can’t coach someone who is not coachable 。。。 如是者隔咗好幾年 我同佢哋公司咁啱有合作項目 後來因為某些原因 勢估唔到竟然 佢要向我施展佢套箍煲方案 叫我睇在佢份上 (……下刪N字……) _ 而今次佢終於肯真心聽我講嘢： 「無人能替代另一個人同人相處 而你以為你幫緊佢維護形象 但其實只係令我覺得更反感 因為佢本人冇親自承擔 仲竟然要由你幫佢執手尾 _ 以往你成日同我呻 但你同時會覺得係你又成功「挽救」 你會覺得呢個係你能力嘅證明 而其實肯繼續嘅人 某程度上係因為你而繼續 或者真係如你所說 俾面你 或者覺得你好努力 或者係怕咗你窮追不捨 或者係同情你 _ 而每次你都幫你老闆處理 你亦都係養大緊呢隻魔怪 佢都唔覺得自己有問題 宜家根本就係變本加厲 最終其實你都有份去承受 你睇下我哋宜家係幾奇怪 _ 以前每次你都唔俾我講落去 今次因為我係第一身你先願意聽 我希望你可以好好思考一下 究竟你做緊嘅事 對你自己同對佢係咪真係有益？」 。。。 關係是一對一的 如果你因為其他人而扭曲自己 去建立一種扭曲嘅關係 你都只會帶俾人扭曲嘅印象 _ 關係是一對一的 由中間人代表去建立的關係 其實也只是屬於他和他的 旁人即使講一百句 都不及當事人展示的真相 _ 無人能替代另一個人 中間人永遠也只是中間人 。。。 我同C結果係點？ [...]

一對一的關係 - 即使說得再美好 也要自己去看清楚 一對一的關係 <<即使說得再美好 也要自己去看清楚>> 以下暗黑故事全部屬實 [整合自本人及個案經歷] 如有雷同  絕不巧合💀 。。。 A在業界甚有地位 對外形象Helpful又親民 每逢出席活動彷如明星 交過手的人都知其時常出爾反爾 人情掛嘴邊 個人利益排第一 。。。 B對學員/個案關心愛護 課堂分享真切肉緊 觸動人心 教主般操縱學員/個案 取笑學員/個案幼稚無稽 。。。 C銜頭甚多 博學多才 書包隨時擲  萬人景仰 高談闊論不執行 講一套做一套 打開書包 空空如也 。。。 D相識滿天下 拍心口保證 有事唔使驚 佢會在大廳 合作冇交帶 龍門任意擺 責任由你揹 有功佢會領 。。。 講到幾勁幾天花龍鳳都好 都要自己行近啲睇清楚 最近做case講咗好多次 我都成日提自己 生活中少不免會遇上各種奇人異士🙃 心存正念是必需的 然而道不同真的不相為謀就是 Be Stunning🌹 #關係 #一對一 #自言自語 #BeStunning 。。。。。。 🌹 Be Stunning  美得讓人震驚 IG: stunningpro Blog: Stunning Blog FB: Stunning SPA 傲薔專業學院 YT: Stunning SPA 傲薔